Technischi Sache:
Vertriib: Recrec Media
CeDes: Eini
So lang gohts: 43:31 Minute
Wevöu Stöck: 13
Zuesätzlechi Songs: kei einzige
Träcklischt:
1.Super Tortas Gigantes
2.Was Hät Das Söle
3.Fränzi Hänzi
4.Smacks
5.Herr Borer & Frau Schnorer
6.Feiter
7.S´BIezt ls Z´Tod
8.Gagukack
9.Ovobärn
10.Goudfesche
11.Tschiggenhorni
12.Weiche Siech
13.Groppesächser
Musigstil: Pop / Rock
Tonkwalität:
Jo aso d'Musig esch ned so schpektakulär, aber för das do längts. Aues esch schön klar, mängisch tönz zwar chli we usem PeCe aber egau. De Bass chonnt leider ned so starch zom Iisatz und Klangvariatone send ned so grandios, aber dank de geile Tegschte und em Agapello-Zügs achtet me gar ned so uf das.
Äxtras:
16 siitigs Büechli met de Songtegschte, Zeichnig vom Töff, es Jass zom dorepouse und es paar loschtige Föteli.
Wenn du die Cede de i PeCe tuesch esch si no multimedial: Het es Video zo Smacks, es Zeichnigsspeli und chli anders.
Miin Sänf:
Jo aso was do dä Aargouer leischtet esch jo scho no öppis. Zerscht weiss keine wär er eigentlech esch, eifach en Chönguzöchter wo Bärndütsch red. Siini Verchleidig: Längi Hoor, en geile Schnouz, e kuuli Sonnebröue ond sone Mötze. Denne werds zwar bekannt, aber siini Musig bliibt trotzdem gut. Jo das esch scho no öpppis, di einzig Cede vo ehm (wo do jetzt ou grad dröber gschrebe werd du Teigaff) esch eigentlich me aus Musig. Es esch (näbscht em Aschpäckt das es chli es Äxperimänt esch) ehner en Gabaret-Cede, denn d'Klimper-Kläng stöhnd eigentlech gar ned so im Mettuponkt. Es goht me om d'Tegschte, ond die händs zom teil in sem du.. Do werd de Gölä am Seili abegloh (Was Hät Das Söle), Wortspeli met em Bärndüütsch gmacht (Fränzi Hänzi) ond de no chli d'Osländfer uf guetmüetigi Art verarscht. Mängisch werds zwar fascht chli gruusig (Weiche Siech) aber aus i auem esch die Cede es glonigs Stöck onterhautig wosech positiv us de Schwiizer Massewahr abhebt. S'einzige Schtöck wo chli nach Mäinschtriim tönt esch Ovobärn.. aber ergenwie ou mis Lieblingsschtöck.
liquid8:
Wiiterfüehrendi Links:
Am Blusbueb siini Houmpäitsch
chasch do choufe:
EisADeVouDe.ZeHa
Teschtekwipment:
Jo du, so als arme aargouer Bueb chani mer haut nonig so grossi Sache choufe.. Drom hani die Cede eifach so uf miinere chliine Stereoalahg ond em PeCe glost.
No en Tipp:
Göhnd uf d'Houmpäitsch vom Blusbueb, dete hets onde rächts sones UFO met ehm denne, klicket druf ond scho chöneder s'Video zo Ovobärn aluege. Esch genial, müend aber scho s'ganze luege ;)
Wenigstens was verstanden?